فرانسیسی ڈاکٹرز نے مطالبات تسلیم ہونے تک احتجاج جاری رکھنے کا اعلان کردیا

نجی شعبے میں کام کرنے والے فرانسیسی ڈاکٹروں نے دارالحکومت پیرس کی سڑکوں پر مظاہرہ کرتے ہوئے فرانسیسی حکومت سے مذاکرات اور اپنے مطالبات کے حوالے سے سنجیدہ اقدامات کا مطالبہ کیا۔مظاہرے میں شریک ڈاکٹروں کا کہنا تھا کہ جب تک حکومت ان کے مطالبات پر عمل نہیں کرتی وہ اپنی ہڑتال جاری رکھیں گے اور فرانس میں ڈاکٹروں کی ہڑتال مسلسل دوسرے ہفتے بھی جاری ہے۔پچھلے ہفتے، فرانسیسی وزیر صحت فرانکوئس براؤن نے ڈاکٹروں کی ہڑتال کی مذمت کی اور کہا کہ یہ اس وقت ڈاکٹرز کو ہڑتال نہیں کرنی چاہیئے کیونکہ فرانس انفلوئنزا اور کورونا وائرس کے معاملات میں اضافے سے دوچار ہے۔